Axar.az
Yuxarı

Rəsmi Bakıdan İrəvana cavab

Ana səhifə Siyasət
12 Punto 14 Punto 16 Punto 18 Punto

Azərbaycan Xarici İşlər Nazirliyi Ermənistan XİN-in Azərbaycan dövlət başçısının mayın 27-də Zəngilan rayonunda səsləndirdiyi çıxışa münasibətinə reaksiya verib.

XİN-dən Axar.az-a bildirilib ki, Ermənistan XİN-in növbəti əsassız açıqlama ilə çıxış etməsi təəssüf doğurur.

“İlk növbədə qeyd etmək istərdik ki, 30 ilə yaxın beynəlxalq hüququn fundamental prinsiplərini tapdalayan, işğalçı siyasət yürüdən, bir milyona yaxın azərbaycanlının insan hüquqlarını kobudcasına pozan Ermənistanın son zamanlar sözdə beynəlxalq hüquqa tez-tez istinadlar etməsi maraq doğurur.

Ermənistandan fərqli olaraq, Azərbaycan hər zaman beynəlxalq hüquq prinsiplərinə hörmətlə yanaşıb və bu mövqeyi ardıcıl şəkildə nümayiş etdirib.

Azərbaycan Respublikası Prezidentinin işğaldan azad edilmiş Zəngilan rayonunda səsləndirdiyi fikirlərə gəldikdə isə, Ermənistan XİN-in diqqətinə çatdırırıq ki, Azərbaycan dövlət başçısı məhz beynəlxalq hüquq prinsiplərinə uyğun olmayan davranışdan çəkinməyə çağırır və belə bir hüquqazidd davranışın doğura biləcəyi təhlükələrlə bağlı xəbərdarlıq edir.

Təəssüf ki, post-münaqişə mərhələsində Ermənistanda bu cür təhlükəli davranışları təşviq edən revanşist qüvvələr mövcuddur və bu qüvvələrin 30 ilə yaxın yürütdüyü təcavüzkar siyasətin Ermənistanı sürüklədiyi acınacaqlı vəziyyət göz qabağındadır.

Ermənistan tərəfi anlamalıdır ki, onilliklər öncəki davranışı həyata keçirmək cəhdləri xülyadan başqa bir şey deyildir. Yalnız bölgədə yaranmış yeni reallıqların və yeni imkanların düzgün şəkildə dəyərləndirilməsi doğru nəticələrə gətirib çıxara bilər”, - məlumatda bildirilib.

Tarix
2022.05.28 / 16:39
Müəllif
Axar.az
Şərhlər
Digər xəbərlər

İlham Əliyev fərman imzaladı

Ceyhun Bayramov İrana səfər edəcək

Laçında nə baş verir? - Əməliyyatı zəruri edən səbəblər

Kabanyan məxfi məlumat bölüşdü: 6 km Bakıya keçdi...

Bayramov Çexiya səfirinin etimadnaməsini qəbul etdi

Qərb standartlı dövlət qurmağa xalqımız hazır deyil

Azərbaycanın səyləri buna yönəlib - Deputat

Bakı və Moskva arasında siyasi məsləhətləşmələr keçirildi

Prezident Bakıda konfransda iştirak etdi - Video

Qarabağda quruculuq işləri genişlənir - Deputat

KULT
<>
Xəbər xətti
Axar.az'da reklam Bağla
Reklam
Bize yazin Bağla