Türkiyənin xarici işlər naziri Hakan Fidan Zəngəzur dəhlizinin açılmasına dəstək gözlədiklərini bildirib.

Axar.az xəbər verir ki, Azərbaycan, Türkiyə və Gürcüstan XİN başçıları ilə birgə keçirilən mətbuat konfransında danışan H.Fidan Azərbaycanın COP29-a sahibliyini yüksək qiymətləndirdiklərini və bu münasibətlə təbrik etdiklərini deyib.

Türkiyə XİN başçısı Qarabağ zəfərinin doğurduğu reallıqlardan söz açıb:

“Zəfər yeni reallıqlar yaradıb. Artıq bölgədə qalıcı sülhü təmin etmək mümkün görünür. Zəngəzur dəhlizinin açılmasına dəstək gözləyirik. Ceyhun Bayramov Azərbaycanla Ermənistan arasındakı son görüş barədə bizi məlumatlandırdı”.