Ermənistan beynəlxalq münasibətlərin və beynəlxalq hüququn subyekti olmaqdan çıxır.

Axar.az xəbər verir ki, bunu Ermənistanın birinci ombudsmanı, hüquq müdafiəçisi Larisa Alaverdyan yerli mediaya müsahibəsində deyib.

“Məlumdur ki, 26-28 may tarixləri Zaqafqaziya Federasiyasının dağıldığı, üç müstəqil respublikanın formalaşdığı günlərdir. Əvvəlcə Gürcüstan, sonra isə Azərbaycan və Ermənistan müstəqilliyini elan etdi.

İlham Əliyev İran, ABŞ, Rusiya tərəfindən təbrik edilib və bunu ən yüksək səviyyədə ediblər. Təsdiqi bu üç prezidentin internet saytında tapmaq olar. Mən heç islam dünyasının qalan hissəsini demirəm.

Bəs, onların saytlarında Ermənistana Birinci Respublika Günü ilə bağlı oxşar təbriklər hanı? Təəssüf ki, belə təbriklər yoxdur”, - o bildirib.