Xankəndi şəhərində yerləşən yaşayış və qeyri yaşayış sahələrində cari təmir işləri ilə bağlı daha 4 şirkətlə ümumi dəyəri 2 milyon 324 min 995 manat olan müqavilələr imzalanıb.

Axar.az Teleqraf-a istinadla xəbər verir ki, sözügedən işlərlə əlaqədar “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsi" “Geno Group” Məhdud Məsuliyyətli Cəmiyyəti ilə 417.029,11 AZN, “BƏYAZ İNŞAAT” Məhdud Məsuliyyətli Cəmiyyəti ilə 675.786,24 AZN ilə, "Victory Construction" MMC ilə 825.277,6 AZN-lik müqavilələr bağlayıb.

Ən bahalı razılaşma isə “TƏMƏL TİKİNTİ” Məhdud Məsuliyyətli Cəmiyyəti ilə olub. Belə ki, “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsi Xankəndi şəhərində yerləşən yaşayış və qeyri yaşayış sahələrində cari təmir işləri ilə bağlı MMC-yə 406.902.94 manatlıq müqavilə bağlayıb.

Hər bir müqavilə üzrə işlərin görülməsinə bu ayın 18-dən start verilib, dekabr ayına qədər başa çatdırılması nəzərdə tutulur.

Qeyd edək ki, bundan əvvəl də “Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidməti” publik hüquqi şəxsi Xankəndi şəhərində yerləşən yaşayış və qeyri yaşayış sahələrində cari təmir işləri ilə bağlı 8 şirkətlə də müqavilə imzalayıb.