09:50

Ağdərədə beton qarışdıran maşın dərəyə aşıb.

Axar.az xəbər verir ki, hadisə rayonun Çıldıran kəndi ərazisində baş verib.

Bərdə rayon Yenidaşkənd kənd sakini 1968-ci il təvəllüdlü Hafiz Qocamanovun idarə etdiyi HOVO markalı beton qarışdıran avtomobil idarəetmədən çıxaraq dərəyə yuvarlanıb.

Hadisə nəticəsində sürücü H.Qocamanov ölüb.

Faktla bağlı araşdırma aparılır.

***

Fövqəladə Hallar Nazirliyi Ağdərə rayonunda ölümlə nəticələnən yol-nəqliyyat hadisəsi ilə bağlı məlumat yayıb.

Nazirlikdən verilən məlumata görə, Fövqəladə Hallar Nazirliyinin "112" qaynar telefon xəttinə Ağdərə rayonunun Çıldıran kəndi ərazisində yük avtomobilinin dərəyə aşması barədə məlumat daxil olub.

Məlumatla əlaqədar qəza yerinə nazirliyin ən yaxın xilasetmə qüvvələri cəlb olunub.

Nazirliyin Dövlət Yanğından Mühafizə Xidmətinin yanğınsöndürən-xilasediciləri tərəfindən həyata keçirilən tədbirlər nəticəsində sürücünün meyiti dərədən çıxarılaraq aidiyyəti üzrə təhvil verilib.