Xəbər verdiyimiz kimi, noyabrın 21-də paytaxtın Binəqədi rayonuda yerləşən “Lake Hotel”in işçilərini otelin qarsısında iş görən zaman elektrik cərəyanı vurub.

Axar.az Teleqraf-a istinadən xəbər verir ki, hadisə otel işçilərinin dəmir pilləkəni otelin həyətinə aparan zaman baş verib.

Belə ki, həmin vaxt dəmir pilləkən ordan keçən yüksək gərginlikli xəttə ilişib. Nəticədə elektrik cərəyanı 4 nəfəri vuraraq öldürüb.

Məlumata görə, işçilər əlcəkdən istifadə etməyiblər.

Faktla bağlı cinayət işi açılıb.

Qeyd edək ki, hadisə zamanı 1997-ci il təvəllüdlü Cavidan Muradlı, 2005-ci il təvəllüdlü Emil Quliyev, 2006-cı il təvəllüdlü Eltac Əliyev və 2007-ci il təvəllüdlü Əkbər Zeynalov həlak olub.