Dubay əmirinin qardaşı oğlu Şeyx Səid bin Məktum bin Rəşid əl-Məktumun keçmiş həyat yoldaşı Zeynəb Cavadlı həbs oluna biləcəyindən narahatdır.

Axar.az BBC-yə istinadən xəbər verir ki, buna səbəb keçmiş ərinin yerli polisə şikayət edərək onu üç azyaşlı qızını oğurlamaqda ittiham etməsidir.

Zeynəb Cavadlı 2019-cu ildə Şeyx Səiddən boşanıb. Bundan sonra onların arasında gərgin qəyyumluq mübarizəsi başlayıb.

Son həftələrdə vəziyyət daha da kəskinləşib, çünki uşaqlar gah bir, gah digər valideynində qalmalı olub və hər biri digərini onları oğurlamaqda ittiham edib.

Əslən azərbaycanlı olan, keçmiş beynəlxalq gimnast Cavadlı son qarşıdurmanı canlı yayımlayandan sonra "e-cinayətlər" - onlayn hüquq pozuntuları səbəbi ilə də həbs riski ilə üz-üzədir.