Ən ləzzətli mətbəxə malik ölkələrin reytinqi dərc olunub.

Axar.az xəbər verir ki, bu barədə “World Population Review” məlumat yayıb.

Azərbaycan siyahıda 56-cı yerdə qərarlaşıb.

Yunanıstan yenə də reytinqə başçılıq edir. İtaliya, Meksika, Türkiyə, İspaniya, Portuqaliya, İndoneziya, Fransa, Yaponiya və Çin ilk onluğa daxil olub.

Postsovet ölkələri arasında Gürcüstan ən yüksək reytinqə malikdir. Qonşumuz siyahıda 30-cu yeri tutub. Rusiya 34-cü, Ukrayna 43-cü, Belarus isə 75-ci yerdədir.

Ermənistan və Qazaxıstan mətbəxləri reytinqdə ən pis hesab edilərək, 92 və 93-cü yerlərdə qərarlaşıb.

Reytinqin son pillələrini Nikaraqua, Laos və Boliviya bölüşüb.