İrəvan bir neçə il ərzində “Tramp yolu” vasitəsilə Bakı ilə birbaşa dəmir yolu əlaqəsi qurmağa ümid edir.

Axar.az xəbər verir ki, bunu Ermənistanın iqtisadiyyat naziri Gevorq Papoyan deyib.

“Hazırda ölkələr arasında aktiv ticarət yoxdur, bunun bir neçə səbəbi var: bazarlar hələ bir-biri ilə tanış deyil və ticarət əlaqələri qurmaq vaxt tələb edir və bu əlaqələr daha çox özəl sektor və iş mühiti müstəvisindədir. Dövlət öz funksiyasını yerinə yetirir, lazımi şərait yaradır: siyasi razılaşmalar, yolların açılması və dəmir yollarından istifadə yolu ilə. Azərbaycanla birbaşa dəmir yolu əlaqələri açılana qədər alternativ rabitə variantlarından istifadə edilə bilər. Bu, vaxt aparan mürəkkəb bir prosesdir”, - o bildirib.