Xəbər verdiyimiz kimi, meyxanaçı Elşən Binəqədi fevralın 26-da axşam saat 20 radələrində Sabunçu Tibb Mərkəzinə gətirilib. Həkimlərin bütün səylərinə baxmayaraq, meyxanaçının həyatını xilas etmək mümkün olmayıb.

Axar.az xəbər verir ki, onun meyitini morqdan götürməyə heç bir qohumu gəlməyib. Mərhumun dostlarından biri olan Cəlal İsmayılov meyiti təhvil alaraq yas mərasiminin təşkilini öz üzərinə götürüb.

"Elşəni 4-5 ildir tanıyırdım. Aramızda yaxın münasibət var idi. Dünyasını dəyişəndə onu dəfn etməyi mənə vəsiyyət etmişdi", - deyə Cəlal İsmayılov bildirib.

Baku TV-nin "Arzunun vaxtı" verilişinin budəfəki buraxılışı dünyasını dəyişən meyxanaçı Elşən Binəqədiyə həsr olunub.