Neftçala rayonundakı Baş Mil-Muğan Kollektorunun Xəzər dənizinə birləşdiyi ərazidə qanunsuz qurulan balıq torları yığışdırılıb.

Axar.az Report-a istinadla xəbər verir ki, Balıqçılıq və Akvakultura Mərkəzi, Su Polisi, ictimai birliklər və yerli icra nümayəndəliklərinin iştirakı ilə Neftçalada Baş Mil-Muğan Kollektorunun Xəzər dənizi ilə qovuşduğu ərazidə reyd keçirilib.

Reyd zamanı kollektor boyunca və onun Xəzər dənizinə töküldüyü hissədə müxtəlif ölçülü və uzunluqda sintetik torlar aşkar olunub. Qanunsuz qurulan torlar, eləcə də su axınını tam və ya qismən məhdudlaşdıran dayanıqlı "nevud" qurğuları sudan çıxarılıb. Həmin vasitələr qanunvericiliyin tələblərinə uyğun olaraq götürülüb.

Müəyyən edilən hallarla bağlı bəzi balıqçılıq alətləri sahiblərinə təhvil verilsə də, qanunsuz istifadə edilən ov vasitələri müsadirə olunub və aidiyyəti üzrə tədbirlər görülüb.