13:03

Zərdabda evdə nənə və nəvə dəm qazından zəhərlənib.

Axar.az APA-ya istinadla xəbər verir ki, hadisə bu gün rayonun Şahhüseynli kəndində qeydə alınıb.

Kənd sakini, 1932-ci il təvəllüdlü Güldəstə Ağalarova və nəvəsi, 1987-ci il təvəllüdlü Ramin Ağalarov yaşadıqları ünvanda dəm qazından zəhərləniblər. G.Ağalarova ölüb, R.Ağalarov isə xəstəxanaya yerləşdirilib.

Fakt araşdırılır.

***

Mayın 25-də saat 10:30 radələrində zəhərlənmə şübhəsilə 1987-ci il təvəllüdlü 1 nəfər (kişi) Zərdab Rayon Mərkəzi Xəstəxanasının Təcili yardım şöbəsinə hospitalizasiya olunub.

Bu barədə TƏBİB-dən bildirilib.

"Dəm qazının toksiki təsirindən zəhərlənmə diaqnozu təyin edilən şəxsə zəruri tibbi xidmətlər göstərilib və hazırda müalicəsi davam etdirilir. Vəziyyəti orta ağır qiymətləndirilir", - məlumatda deyilir.