Millət vəkili Vahid Əhmədov Qubada seçicilərilə görüşüb.

Bu haqda Axar.az-a deputatın köməkçisi Arif Orucov məlumat verib.

Qəbulda Qubadan və qonşu rayonlardan 84 sakin iştirak edib. Vətəndaşlar ev tikintisı üçün torpaq sahələrinin ayrılması, təmir üçün inşaat materiallarının verilməsi, banklardan alınmış kreditlərlə bağlı çoxsaylı problemlər, iş yerlərinin olmaması, bağçılıqda zərərvericilərə qarşı istifadə olunan dərman preparatlarının keyfiyyətsizliyi, su və kanalizasiya sistemindəki çatışmazlıqlar, şəhərdaxili küçələrin qaydaya salınması, işədüzəlmə və digər məsələlər haqda şikayətlərini bildiriblər.

Bir neçə məsələ deputat tərəfindən yerindəcə araşdırılaraq tədbir görülüb. Digər məsələlərlə bağlı şikayətlər isə baxılmaq üçün nəzarətə götürülüb.

Növbəti qəbulun iyunda olacağı planlaşdırılır.