"İnterfaks-Azərbaycan" informasiya agentliyinin baş direktoru Aleksandr İvanov Bakıda dəfn olunacaq.

Axar.az Report-a istinadən xəbər verir ki, onun cəsədi dekabrın 23-də Moskvadan Bakıya gətiriləcək və Azərbaycan paytaxtındakı qəbiristanlıqlardan birində torpağa tapşırılacaq.

Bu gün isə Moskvada Aleksanda İvanovla vida mərasimi keçiriləcək.

Xatırladaq ki, "İnterfaks-Azərbaycan"ın baş direktoru ötən gün beyninə qan sızması nəticəsində ömrünün 68-ci ilində Moskvada vəfat edib. O, 1950-ci il iyulun 12-də Bakıda anadan olub, 2005-ci ilin avqust ayında "İnterfaks-Azərbaycan"ın baş direktoru təyin edilib.

Qeyd edək ki, Aleksandr Alekseyeviç İvanov (Saşa) uzun illər SSRİ Dövlət Təhlükəsizlik Komitəsində işləyib, Azərbaycanın Ümummilli lideri Heydər Əliyevin şəxsi mühafizəsinə rəhbərlik edib.