Bakının Sabunçu rayonunun Bakıxanov qəsəbəsindəki Komsomol dairəsi "yol canavar"larının oylağına çevrilib.

Axar.az-ın əməkdaşı Komsomol dairəsində çəkiliş aparıb və məlum olub ki, burada nə piyadaların keçidi üçün zolaq, nə işıqfor, nə də hərəkəti nizamlayan hər hansı işarə var.

Bu ərazidə yaşayanlar da şikayətlənirlər ki, hərəkət intensiv olduğu üçün hər an piyadaların vurulması təhlükəsi var.

Avtomobillər piyadalara yol vermir, iki istiqamətdən fasiləsiz hərəkət var, yol polisi belə yoxdur ki, nizamlayıcı işi görsün.

"Bu yol ölüm saçır. Piyadalarla maşınlar arasında hər gün bir qaçhaqov yaşanır. Bir işıqfor qoysalar, belə olmaz", - ərazidə yaşayan sakin Kazım Ağazadə deyir.

Onun sözlərinə görə, bu yerdə təcili işıqfor qoyulmalıdır. Əks halda piyadaların vurulması statsiktikaya çevriləcək.

Onu da deyək ki, ərazidən dəmiryol xətti keçir. Bu da öz növbəsində üçqat təhlükədir.