Marşrut avtobuslarına yeni monitorlar quraşdırılır.

Axar.az xəbər verir ki, artıq bir neçə marşrut avtobusunda yeni monitorlar quraşdırılıb. Hələlik çox az sayda marşrutda quraşdırılan monitorlara 10, 49, 53 nömrəli xətt üzrə hərəkət edən avtobuslarda rast gəlmək mümkündür.

Monitorlar avtobuslarda reklam yayımı üçün nəzərdə tutulub. Ekranda böyük hərflərlə "Reklam yerləşdirmək üçün" sözləri yazılıb.

Xatırladaq ki, ötən ilin mart ayında Bakıda marşrut avtobuslarında informasiya monitorları quraşdırılmışdı. Məqsəd şərnişinlərin həmin marşrutun hərəkət istiqaməti haqqında məlumat vermək idi. Hazırda quraşdırılan monitorlar isə reklam məqsədi daşıyır.