Erməni girovluğunda olan kəlbəcərli Dilqəm Əsgərovun sabah 54 yaşı tamam olur.

Axar.az xəbər verir ki, bu barədə kəlbəcərli əsirlərin döyüş yoldaşı, yaxın dostu Səbuhi Rəhimli Feysbuk hesabında yazıb. 55 yaşına girən Dilqəm Əsgərov ilk dəfədir ki, doğum gününü öz isti ocağından ayrı "qeyd" edəcək.

S.Rəhimli yaxın dostu haqqında bunları yazır:

"Sentyabrın 30-u Vətənimizin böyük oğlu, igid və cəsur dostum Dilqəm Əsgərovun 54 yaşı tamam olur. O, həyatında ilk dəfə olaraq ad gününü türmədə, özü də İrəvan türməsində, MTN təcridxanasında "qeyd" edəcək. Bəlkə də ayın tarixini də bilmir, məncə, heç doğum günü olduğunu belə xatırlamır. O, orada qaldıqca ürəyimiz parçalanır, iztirabımız artır. Nə isə".

S.Rəhimli sonda belə bir qeyd yazıb:

"Allah qapını açsın, qardaş! Onlarla qurbanlıq qoç yolunu gözləyir. 55 illiyini vətənində qeyd etmək üçün gecə-gündüz duaçıyıq".

Qeyd edək ki, əslən Kəlbəcərdən olan Dilqəm Əsgərov və Şahbaz Quliyev girov götürülüb. Onlar uzun illərdir ki, Kəlbəcərə gedir, Ermənistanın işğalı altında olan doğma yurd yerlərində videolar çəkirmişlər.