AXCP sədri Əli Kərimli Sudanda baş verən hərbi çevrilişi dəstəkləyib.

Avropa.info xəbər verir ki, o, bu barədə Feysbukda yazıb:

"Sudan xalqı 30 illik “ümummillinin” devrilməsini belə bayram edir. 10 minlərlə insan küçələrə axışıb. İnsanlar bu bəladan qurtardıqları üçün sevinirlər. Hər yerdə hərbçilər və xalq qardaşlaşır. Diktatorun yaxın ətrafı həbs edilib, özü ev dustağıdır".

Maraqlıdır ki, dünyanın hansı ölkəsində hansı formada çevriliş baş versə, Əli Kərimli anında onun dəstəkləyir. Dərhal tərəfdarlarına göstəriş verilir ki, partiya sədrinin yazdığı statusu bəyənsin və şərh yazsın. Məsələnin mahiyyətini araşdırmayan fanatlar da partiya sədrinin yazdıqlarını bəyənir, paylaşır və rəylər yazırlar. Heç kim əslində nə baş verdiyini araşdırmır.

Əli Kərimlinin yazdığı "hərbçilər və xalq qardaşlaşır" eyforiyası ilə paylaşdığı fotoya baxın.

Bu fotoda Prezident Ömər əl-Bəşiri devirən hərbçilərin Sudanda fövqəladə hal rejimi elan etməsinə baxmayaraq, qərarı tanımayan minlərlə sudanlı paytaxt Xartumun küçələrinə çıxıb. Xalqı hərbi rejimə etiraz etməyə çağıran Sudan Həmkarlar Təşkilatları açıqlama yayıb. Açıqlamada bildiriir:

“Bu böyük xalqın azadlığı qadağan edilə bilməz, məhdudlaşdırıla bilməz. Küçəyə çıxmaq qadağasını pozaq və işləri yoluna qoyaq. Rejim bəzi inqilabçıları bir müddətlik həbs edə bilər, ancaq bütün xalqı həbs etməyə, azadlıq və fəaliyyətləri qadağan etməyə gücləri çatmaz. Rejim tamamilə devrilmədən və idarəetmə mülki hökumətə ötürülmədən bir addım belə geri dönmək yoxdur. Şəhidlərimizin haqqı alınmayınca küçələri tərk etməyəcəyik”.

Əli Kərimlinin bütün çevrilişləri dəstəkləmək maniyası haradan qaynaqlanır? Görünür, Kərimli dağılmış partiyasının, siyasi təhlilləri şüar səviyyəsinə endirən partiaya funksionerlərinin siyasətdən uzaq düşüncələrini, gücsüzlüyünü başqa ölkələrdə baş verən çevrilişlərlə cuşa gələrək gizləmək istəyir.

Başqa bir maraqlı detal da var Əli Kərimlinin "siyasətində". Başqalarını trolluqda ittiham edən Əli Kərimli Feysbukda bir neçə saxta profillə gizlənir. Ən maraqlısı isə AXCP sədrinin Alim Hüseynli adlanan saxta profildidir. Bu profil ölkədəki əksər jurnalist, ictimai və siyasi fəalın dostluğunda var. "Alim Hüseynli" öz səhifəsində heç bir paylaşım etməsə də, bu profil vasitəsilə Əli Kərimli barədə yazılanları yaxından izləyir.

Hərbi çevrilişlərə sevinən "demokrat"ın ətrafından isə "Ura!" səsləri əskik olmur.