Ankaradan Bakıya birbaşa reyslər ticarət əlaqələrinin möhkəmləndirilməsinə xidmət edir.

Trend-in məlumatına görə, bunu Ankara Ticarət Palatasının rəhbəri Gürsəl Baran deyib.

O bildirib ki, Azərbaycan Türkiyə üçün mühüm, qardaş ölkələrdən biridir.

G.Baran vurğulayıb ki, Türkiyə Ankaradan müxtəlif istiqamətlər üzrə birbaşa reyslərin artırılmasına istiqamətlənib.

Bundan əvvəl Türkiyənin nəqliyyat və infrastruktur naziri Mehmet Cahid Turan demişdi ki, Türkiyə və Azərbaycan yay aylarından etibarən aviareyslərin sayını həftədə 115-dək artıracaqlar.

Hazırda iki ölkə arasında həftəlik 90 aviareys həyata keçirilir.

Bu gündən başlayaraq "Pegasus" təyyarələri Ankara və Bakı arasında birbaşa reysləri icra edəcək.