Axar.az
Yuxarı

Axar.Az Logo

Azərbaycanın bu milli parkında rəmzi guşə yaradılacaq

Ana səhifə Toplum
12 Punto 14 Punto 16 Punto 18 Punto

Abşeron yarımadasının ən son nöqtəsi olan "qartalın dimdiyi" adlanan ərazi Abşeron Milli Parkının da son nöqtəsidir. Bu ərazini turistlər üçün daha maraqlı və yaddaqalan bir məkana çevirmək, rəmzi guşə ilə daim xatırlatmaq olar. Çünki Abşeron Milli Parkına gələn hər bir ziyarətçi bu romantik nöqtəyə can atır.

Axar.az xəbər verir ki, bu fikirlər "Azərbaycanda ekoturizmin inkişaf perspektivləri” mövzusunda keçirilən dəyirmi masada səsləndirilib. Nazirliyin nümayəndələri də bu maraqlı ideyanı dəstəklədiklərini və artıq bütün milli parklarda oxşar layihələrin üzərində iş aparıldığını bildiriblər.

"Qartalın dimdiyi", “Şah dili” burnu ərazisi barədə rəvayətlər də mövcuddur və təəssüf ki, indiyədək xalq arasında dolaşan bu rəvayətlərdən turistlərin cəlb edilməsi üçün istifadə edilməyib. "Qartalın dimdiyi" ərazisinin məhəbbət, saf duyğu və and məkanı olmasıyla bağlı müxtəlif rəvayətlər var. Onları toplayıb gələn turistlərə təqdim etmək istəyirik. Həmin nöqtədə rəmzi xarakter daşıyan guşə yaradılması ilə bağlı ideyalar da var. Yəqin ki, yaxın vaxtlarda bu layihələr reallaşacaq", - tədbirdə qeyd olunub.

Tədbirdə ekoturizmin inkişafı ilə bağlı turizm şirkətlərinin nümayəndələri tərəfindən də bəzi təkliflər və fikirlər də səsləndirilib. Qeyd edilib ki, Azərbaycanın gözəl təbiəti olan bəzi ərazilərinə maşınla və ya piyada getmək təhlükəlidir. Bu yerlərdə bir çox ölkələrdə olduğu kimi kanatlar çəkilə bilər:

"Bunun üçün xarici təcrübədən yararlanmaq lazımdır. Xarici ölkələrdə turistlər vəhşi heyvanlar olan yerlərə təhlükəsiz şəkildə girə bilirlər. Azərbaycanda da belə imkanlar yaradılmalıdır".

Alman İnkişaf Bankının transsərhəd birgə katibliyi layihəsinin milli koordinatoru Ruslan Salmanov bildirib ki, Azərbaycan milli parklarının hər birinin girişində beynəlxalq standartlara cavab verən ekoturizm mərkəzlərinin yaradılması vacib məsələdir. Həmin mərkəzlərdə insanları qarşılayan məsul şəxslər olmalıdır:

"Təəssüf ki, ölkənin milli parklarında bununla bağlı müəyyən boşluqlar var. Bundan başqa, xüsusi mühafizə olunan təbiət əraziləri barədə qəbul edilən qanunvericilik bazasına dəyişikliklər edilməlidir”.

Tarix
2019.10.01 / 17:41
Müəllif
Axar.az
Şərhlər
Digər xəbərlər

Külli miqdarda narkotik vasitə dövriyyədən çıxarıldı

Ölkədə koronaya yoluxma sayı açıqlandı

Bu sistem Azərbaycan gömrüyündə tətbiq ediləcək

Cinayətdə şübhəli bilinən 66 nəfər tutuldu

“Kənddən şəhərə” yarmarkası: qiymətlər açıqlandı

Gömrük Akademiyası beynəlxalq sertifikata layiq görüldü

PA-nın şöbə müdiri partiyaların qadın üzvlərilə görüşdü

Əfv komissiyası daha 100 müraciətə baxdı

Dövlət proqramlarının bu qaydası təsdiqləndi

İlham Əliyev fərman imzaladı

KULT
<>
Xəbər xətti
 
  
  
  
yatsan
Axar.az'da reklam Bağla
Reklam
Bize yazin Bağla