Yunanıstanda ürəyi ilə bağlı problem yaşayan Səhiyyə naziri Panayotis Kurublis xəstəxanaya yerləşdirilib.

Axar.az xəbər verir ki, tibbi müayinə üçün Afina Onasio xəstəxanasına gedən Kurublisin ürək damarlarında daralma müəyyən edildiyi üçün təcili olaraq əməliyyat edilməsi qərarlaşdırılıb.

Yunanıstanın ilk görmə qüsurlu naziri olaraq tarixə düşən Kurublis ürəyinə iki stend taxılandan bir müddət sonra evə buraxılacaq.

Xatırladaq ki, uşaq vaxtı əlində II Dünya Müharibəsində ölkəni işğal edən nasistlərdən qalma bir bomba partlayandan sonra gözlərini itirən Panayotis Kurublis Yunanıstanda yanvarın 25-i seçkisindən sonra yaradılan Sıriza hökumətində Səhiyyə naziri vəzifəsinə təyin olunub.