Axar.az
Yuxarı
Ana səhifə |     Manşetlər |     Arxiv |     Online ödəmə |     Mobil versiya
11 İyul 2020


Karantin günlərini evdə necə maraqlı edək? – Psixoloq

Ana səhifə Toplum
12 Punto 14 Punto 16 Punto 18 Punto

Yaxşı olar ki, valideynlər bu karantin müddətində özləri və uşaqlar üçün gündəlik görüləcək işlərin cədvəlini tərtib etsinlər. Gün ərzində edəcəkləri işləri həmin gündəliyə qeyd etməklə plan qura bilərlər. Bu, həm günün səmərəli keçməsinə, həm də uşaqların marağına səbəb olacaq.

Bu sözləri Axar.az-a uşaq psixoloqu Könül Telmanqızı koronavirus infeksiyası səbəbilə məktəblərin və bağçaların fəaliyyətinin müvəqqəti olaraq dayandırılması səbəbindən uşaqların evdə çox vaxt keçirməsi və bu günləri hansı formada daha səmərəli etməyin yolları barədə danışarkən deyib. Psixoloq bildirib ki, uşaqlar əsasən təkrarçılıqdan və günlərin eyni keçməsindən sıxıldıqları üçün indi evdə keçirdikləri günlər onları narazı sala bilər.

Məhz bu səbəbdən psixoloq bildirib ki, uşaqlar üçün tərtib edilən cədvəl vasitəsilə dünən edilən işlər və tapşırıqlar sabahkı gün təkrarlanmayacaq:

“Bu cədvəl valideyni hər gün uşağa nə isə tapşırmaqdan da xilas edəcək. Artıq cədvəl vasitəsilə uşaq bu gün hansı işləri görməli olduğunu biləcək. Əgər tətildədirsə, o demək deyil ki, valideyn uşağa hər gün dərs oxutmalı, məcbur yazı yazdırmalıdır. Əksinə, bunu proqram şəklində etmək uşağa daha maraqlı gələ bilər. Günün müəyyən saatında evdə idman etmək, müəyyən saatı maraqlı cizgi film və ya film izləmək, dərs oxumaq, uşaqla birgə ev işləri görmək həm valideynin, həm də uşağın gününü maraqlı edə bilər. Ancaq bunları saatlara bölmək daha məqsədəuyğun olacaq. Çünki uşaq artıq özü tərtib etdiyi gündəlik cədvəl vasitəsilə hansı saatda hansı işin görülməli olduğunu özü biləcək. Uşağı belə qaydaya öyrəşdirmək üçün kiçik hədiyyələr də tərtib etmək olar. Məsələn, uşaq bilsə ki, o, 1 saat dərs oxumaq tapşırığını yerinə yetirəndən sonra onu kiçik də olsa, hədiyyə gözləyir, o, bunu daha həvəslə edəcək”.

Psixoloq əlavə edib ki, valideynlə birgə tərtib edilən cədvələ yaxşı olar ki, uşaqlarla müəyyən saat ərzində edəcəkləri müstəqil söhbəti də əlavə etsinlər:

“Bu, valideynlər üçün həm də bir fürsətdir. Uşaqları ilə söhbət edib onların maraq dairələri barədə danışsınlar. Bu gün əksər valideynlər uşaqları ilə söhbətə, demək olar, heç vaxt ayırmır. Valideynlər özləri uşaq üçün maraqlı vərdişlər, oyunlar axtarıb tapmalıdır. Bu, hər yaş təbəqəsi uşaqlara aid olan bir məsələdir. Bağça yaşlı və ya məktəbli olmasından asılı olmayaraq, hər bir uşaq üçün öz yaşına uyğun oyunlar, tapşırıqlar, dərslər tərtib etmək mümkündür. Həmçinin valideyn uşağa müstəqil şəkildə oynamağı, dərs edə bilməyi aşılamalıdır. Tərtib edilən cədvələ müstəqil şəkildə görüləcək işlər, ediləcək tapşırıqlar da əlavə edilməlidir ki, uşaq bəzi işlərin öhdəsindən təkbaşına gəlməyə adət etsin, öyrənsin. Bu məqamda valideyn də fürsətdən istifadə edərək ya dincələ, ya da görməli olduğu işləri görə bilər”.

Tarix
2020.03.26 / 14:13
Müəllif
Nigar İxtiyarqızı
Şərhlər
Digər xəbərlər

49 korona xəstəsinin vəziyyəti ağırdır - TƏBİB

Məktəblər nə vaxt açılacaq? - Rəsmi açıqlama

Milli Məclisin fövqəladə sessiyası: niyə çağırılır?

Gələn həftə hava necə olacaq?

6472 obyektdə qaydalar pozuldu - Nazirlik

Bölgələrdə son durum: Leysan, şimşək...

Baş nazir Konstitusiya Məhkəməsinə sorğu verdi

Mehriban Əliyeva şəhid ailəsini belə sevindirdi - Video

Daha 154 müəssisədə reyd keçirildi - Nəticə

Ağcabədi sakinindən narkotik və silah götürüldü

KULT
<>
Xəbər xətti
 
  
  
  
  
yatsan
Axar.az'da reklam Bağla
Reklam
Bize yazin Bağla