Fərdi tədris və repetitor fəaliyyəti ilə tədrisə icazə verilib. Burada məşğələlərin təşkili zamanı insanların sağlamlığına və sosial məsafəyə diqqət yetirilməlidir.

Axar.az xəbər verir ki, bunu Təhsil naziri Ceyhun Bayramov Operativ Qərargahın brifinqində deyib.

O qeyd edib ki, bununla bağlı olaraq səhiyyə sistemində çalışanlar tərəfindən xüsusi qaydalar hazırlanır:

"İcazə əsasında şagirdlərin bir neçə məşğələyə getməsində məhdudiyyət yoxdur. Burada icazə saatında məhdudiyyət var və şəxs 3 saat ərzində bundan istifadə edə bilər".

Nazir müavini Məhəbbət Vəliyeva əlavə edib ki, onlayn dərslərin tətbiqinə daha geniş yer ayrılsa, yaxşı olar:

"Nəzərə alaq ki, "Virtual məktəb" layihəsi tətbiq olunur və müəllimlər də mart ayından etibarən evdən tədrisə keçid ediblər. Əminəm ki, müəllimlər bundan sonra da onlayn dərslərə üstünlük verəcəklər".