Ana səhifə Toplum |
Rusiyanın Sankt-Peterburq şəhərində yaşayan azərbaycanlı keçmiş hərbçi Rəşad Həsənov koronavirusdan ölüb.
Axar.az xəbər verir ki, bu barədə onun tələbə yoldaşı Nail Həsən sosial şəbəkə hesabında yazıb.
“Bu gün aldığım üzücü bir xəbər məni dəli olmaq həddinə gətirib çıxardı. Ali Hərbi Məktəbdə bir yerdə oxuduğum kursant yoldaşım, həmişə bir-birimizə “əmioğlu” deyə müraciət etdiyimiz vətənpərvər qardaşım Rəşad Həsənov Sankt-Peterburq şəhərində koronavirusdan vəfat edib. Rəşad fiziki cəhətdən çox sağlam idi, daim idmanla məşğul olduğundan onun koronavirusa yoluxaraq vəfat etməsinə heç cür inana bilmirəm. Aldığım məlumata görə, mayın 14-də Peterburqda xəstəxanaya gedib və pnevmaniya diaqnozu ilə bu gün səhər saat 6:00-da dünyasını dəyişib. Qəlbi, ürəyi hər zaman Qarabağ vüsalı ilə çırpınan Rəşadın arzusu ürəyində qaldı”, - Nail Həsən qeyd edib.
Tarix
2020.05.20 / 21:16
|
Müəllif
Axar.az
|