Hamınızı qlobal sorğuda işirak edib, Azərbaycanın səsini dünyaya duyurmağa çağırıram. Bir dəqiqə sürən sorğuda qlobal problemlər və onların çözüm yollarına dair fikirlərinizi bildirmək, eləcə də BMT-nin baş katibinə konkret təkliflər vermək imkanınız var.

Axar.az xəbər verir ki, bu barədə çağırışı Milli Məclisin Mədəniyyət Komitəsinin sədri Qənirə Paşayeva sosial şəbəkə üzərindən edib. O bildirib ki, Qarabağ həqiqətləri, Xocalı soyqırımı, işğalçı Ermənistanın işğal etdiyi torpaqlarımızda törətdiyi vandalizm aktları, evinə dönə bilməyən qaçqın və məcburi köçkünlərimiz, girov saxlanılan Dilqəm Əsgərov və Şahbaz Quliyevlə bağlı məsələlər inanıram ki, xüsusi diqqətinizdə olacaq:

“Sorğunun nəticələri bu il sentyabrın 21-də Nyu Yorkda keçiriləcək sammitdə dünya liderlərinə və BMT rəsmilərinə təqdim olunacaq. Bundan başqa, sorğu iştirakçılarının cavabları hazırlanmaqda olan “Vision 2045” (Baxış 2045) qlobal sənədinin əsasını təşkil edəcək”.

Qeyd edək ki, Azərbaycan dilinə tərcümə olunmuş sorğuda iştirak etmək üçün Bu Linkdən istifadə etmək lazımdır.