Xaçmaz polisi avtomobildən oğurluq edən şəxsin bir neçə cinayət əməllərini ortaya çıxarıb.

Axar.az Daxili İşlər Nazirliyinin rəsmi saytına istinadən xəbər verir ki, martın 25-də Xaçmazda şəhər sakini Elşad Əhmədova məxsus VAZ-21011 markalı avtomobildən qohumu Elmin Kərimova məxsus 3000 manat və mobil telefon oğurlanıb.

Xaçmaz RPŞ əməkdaşlarının həyata keçirdikləri əməliyyat-axtarış tədbirləri nəticəsində hadisənin şəhər sakini Xətai Əliyev tərəfindən törədilməsi müəyyən edilib.

Araşdırmalar zamanı X.Əliyevin fevralın 15-də "055 cars" şirkətinə məxsus "Opel" markalı avtomobili icarə əsasında 30 günlük götürməsi, lakin avtomobili geri qaytarmayaraq sənədlərini saxtalaşdırıb, Xaçmaz şəhər sakini Fariz Ağayevə satdığı müəyyənləşib.

RPŞ-yə dəvət edilmiş F.Ağayev avtomobilin sənədlərini polisə təqdim edib.