Axar.az FHN-nin rəsmi saytına istinadən bu gecə ölkəmizin bölgələrində baş verən yanğın hadisələrinin xronikasını təqdim edir:

Sumqayıt şəhərində "Mercedes" markalı minik avtomobilinin salonu yanıb. Avtomobilin qalan hissəsi yanğından mühafizə olunub. Yanğın saat 18:46-da yanğınsöndürənlər tərəfindən söndürülüb.

***

Xaçmaz şəhərində vətəndaşa məxsus ümumi sahəsi 70 kv.m olan tövlənin dam örtüyünün yanar konstruksiyaları 15 kv.m sahədə və içərisinə yığılmış ümumi çəkisi 600 kiloqram olan ot bağlaması yanıb. Tövlənin qalan hissəsi yanğından mühafizə olunub. Yanğın saat 18:57-də yanğınsöndürənlər tərəfindən söndürülüb.

***

Daşkəsən şəhərində vətəndaşa məxsus ümumi sahəsi 79 kv.m olan yeməkxananın taxtadan ibarət divar üzlüyü 4 kv.m sahədə və pərdə yanıb. Yeməkxananın qalan hissəsi yanğından mühafizə olunub. Yanğın saat 14:31-də yanğınsöndürənlər tərəfindən söndürülüb.

***

Zaqatala rayonu, Mosul kəndində vətəndaşa məxsus "VAZ" markalı minik avtomobilinin yanar hissələri yanıb. Yolun kənarındakı elektrik dirəkləri yanğından mühafizə olunub. Yanğın saat 15:54-də yanğınsöndürənlər tərəfindən söndürülüb.

***

Gəncə şəhəri, Kəpəz rayonunda vətəndaşa məxsus ümumi sahəsi 176 kv.m olan birmərtəbəli 7 otaqlı kürsülü evin 2 otağının yanar konstruksiyaları 62 kv.m sahədə yanıb.

Evin qalan hissəsi yanğından mühafizə olunub. Yanğın saat 14:19-da yanğınsöndürənlər tərəfindən söndürülüb.