Ana səhifə Toplum |
Gədəbəyin Şahdağ kəndinin bir hissəsində elektrik enerjisinin təchizatı günlərlə dayandırılır.
Bu iddianı Axar.az-a şikayət məktubu ünvanlayan kənd sakini Füzuli Əsgərov qeyd edib.
“Kəndin meşəyə yaxın hissəsi, yəni təxminən yarısı bu problemi yaşayır. Dəfələrlə Azərişıq ASC-yə və rayondakı yerli idarəyə müraciət etsək də, bir nəticəsi olmayıb. İşıq dirəkləri yoxdur, transformator köhnəlib. Bir az külək, yağıntı, qar olan kimi işığı söndürürlər. Elə vaxt olur ki, həftədə 3-4 gün işıq yanmır”, - o bildirib.
Məsələ ilə bağlı saytımıza açıqlama verən Azərişıq ASC-nin mətbuat katibi Vaqif Aydınoğlu bildirib ki, vətəndaşın səsləndirdiyi iddialar həqiqəti əks etdirmir:
“Şahdağ kəndi daimi elektriklə təmin olunur. Füzuli Əsgərovun elektrik enerjisinin təchizatı barədə səsləndirdiyi problemlər həyətində qeydə alınan fərdi problemdir. Bundan da əməkdaşlarımız məlumatlıdır”.
Tarix
2021.03.07 / 02:43
|
Müəllif
Nərmin Əkbərli
|