Axar.az
Yuxarı

Deputat başçıya zəng etdi: Günahkar cəzalandırılsın!

Ana səhifə Toplum
12 Punto 14 Punto 16 Punto 18 Punto

Oğuz rayonunda şəhidlərimizə və dövlət atributumuza qarşı edilən hörmətsizlikdən xəbərdaram. Az əvvəl icra başçısı Eyvaz Qurbanovla danışdım və bu hörmətsizliyi edən şəxsin şəhid ailələrindən üzr istəməsini və ciddi şəkildə cəzalandırılmalı olduğunu bildirdim.

Bu sözləri Axar.az-a açıqlamasında Oğuz rayonunun deputatı Aqiyə Naxçıvanlı sözügedən rayonun icra başçısının müavini Etibar Yusifovun şəhidlərimizin məzarı üzərindən əklil və bayraqlarımızın zibilliyə atılması ilə bağlı “əmr”indən danışarkən deyb. Deputat bildirib ki, məsələ diqqətindədir:

“Mənə orada təmir işlərinin getdiyini, əklil və bayraqların buna görə götürüldüyünü demişdilər. Amma təbii ki, bunlar bəhanədir və istənilən halda şəhid ailəsinə qarşı bu cür hörmətsizlik qəbuledilməzdir.

Bir az əvvəl icra başçısı Eyvaz Qurbanovla danışdım. Etibar Yusifov adlı bu şəxsin şəhid ailələrindən üzr istəməsini və onun çox ciddi şəkildə cəzalandırılmasını istədim.

Şəhidlər bizim üçün müqəddəsdir, onlara toxunmaq, onlarla bu cür “zarafat”lar eləmək olmaz. Təmir məsələsi doğrudursa, valideynlər dərhal çağırılmalı, onlara bu addımı atacaqları ilə bağlı məlumat verilməli idi. Bu diqqətsizliyə, hörmətsizliyə yol verilməməli idi.

Bu insanlar hələ özlərinə gəlməyib, yaraları hələ çox təzədi. Bu ağrıların üzərindən bir də bu cür hörmətsizlik etmək yolverilməzdir.

Hazırda bir neçə təşkilat və şəxsən mən özüm bu məsələ ilə məşğulam. Kimliyindən asılı olmayaraq bu hərəkəti edən şəxs öz töhmətini, öz cəzasını mütləq almalıdır!”

Qeyd edək ki, Oğuz rayonunda şəhidimiz Məhəbbət Paşayevin atası Vaqif Paşayev rayonun Şəhidlər Xiyabanında şəhid məzarları üzərindən təzə əklillərin və bayrağımızın zibilliyə tullanmasını əks etdirən video paylaşıb.

Tarix
2021.09.07 / 12:02
Müəllif
Turanə Məmmədli
Şərhlər
Digər xəbərlər

"Omikron"la necə mübarizə aparmalıyıq? - Açıqlama

Bakıda polis profilaktik tədbirlərini davam etdirir

Sabah bu rayonlarda qaz təchizatı dayandırılır

DİM-dən fəlsəfə doktoru imtahanı ilə bağlı yeni məlumat

Azərbaycan çempionuna hökm oxundu

Qanunsuz işləyən heyvan kəsimi məntəqələri aşkarlandı

Yeni nazir müavinləri kimdir? - Dosye

9 tona yaxın qida məhsulu məhv edildi

Mehdiyev və Abutalıbov dindirilə bilər

Prezident iki xanımı nazir müavini təyin etdi

KULT
<>
Xəbər xətti
yatsan
Axar.az'da reklam Bağla
Reklam
Bize yazin Bağla