Koronavirusa yoluxub dərsə getməyən fənn müəllimlərini həmkarları əvəz edir və onların əmək haqlarında heç bir kəsinti olmur.

Axar.az xəbər verir ki, bunu Təhsil Nazirliyinin Ümumi təhsilin təşkili və idarəolunması şöbəsinin müdir əvəzi Orxan Abbasov deyib.

O bildirib ki, bu hal pandemiyadan əvvəl də belə tənzimlənirdi:

"Yəni hansısa bir müəllim hansısa xəstliyə görə işə gəlməyəndə onu digər müəllim yoldaşı əvəz edirdi. İbtidai siniflər distant təhsilə keçəndə isə müəllim tədrisi onlayn formada davam etdirir. Bu hallara görə müəllimin əmək haqqında heç bir kəsinti olmur. Belə bir hal olmayıb".