Ana səhifə Toplum |
Paytaxtın ictimai nəqliyyatında yeniliklər gözlənilir. Marşrutlarda yeni nömrələrin müəyyənləşdirilməsi, istiqamətlərinin dəyişdirilməsi və ləğv olunmuş marşrutlardan bəzilərinin bərpası ilə bağlı planlar nəzərdə tutulub.
Bu barədə Axar.az-a Nəqliyyat Nazirliyinin mətbuat xidmətinin rəhbəri Namiq Həsənov bildirib. Onun sözlərinə görə, hələlik bu istiqamətdə görüləcək işlər tam detallı şəkildə konkretləşdirilməyib.
N.Həsənov əlavə edib ki, "Baku Bus MMC" tərəfindən paytaxta gətirilən 300 yeni avtobusun şəhərdaxili sərnişindaşıma məqsədi ilə istismara verilməsi də planlaşdırılır.
Yada salaq ki, Avropa Oyunları ərəfəsində və yarışlar keçirilən zaman avtomobil yollarında yarana biləcək sıxlığın qarşısının alınması və keyfiyyətli nəqliyyat xidmətinin göstərilməsi məqsədi ilə paytaxtda bəzi marşrut xətlərinin istiqaməti dəyişdirilmiş, bir neçəsi isə tamamilə bağlanmışdı. Artıq oyunlar başa çatdığı üçün nazirlik nəqliyyat sisteminin optimallaşdırılması prinsipi ilə bu məsələyə yenidən baxır.
Tarix
2015.08.05 / 16:35
|
Müəllif
Emil Salamoğlu
|