12:39

Şəmkirdə tükürpədici cinayətin üstü açılıb.

Axar.az Trend-ə istinadən xəbər verir ki, bu ilin aprelində 1983-cü il təvəllüdlü Fariz Mirzəyev ögey oğlunu öldürüb, uşağın cəsədini qəbiristanlıqda basdırıb.

Onun qeyri-rəsmi nikahda olduğu Bahar Hüseynovanın digər kişidən hamilə olub dünyaya gətirdiyi 2012-ci il təvəllüdlü Nihadı qətlə yetirdiyi üzə çıxıb. Rayonun İrmaşlı kənd sakini olan F.Mirzəyev avqustun 16-da şübhəli şəxs qismində saxlanılıb.

Faktla əlaqədar Cinayət Məcəlləsinin 120.1-ci (Qəsdən adam öldürmə, yəni digər şəxsi qəsdən həyatdan məhrum etmə) maddəsi ilə cinayət işi başlanıb, araşdırma aparılır.