İnternetdə qeyri-qanuni ticarətdən gündəlik gəlir 300-500 min dollara çatır.

Axar.az xəbər verir ki, ekspertlər müxtəlif internet mağazalarını tədqiq edərək onlar haqqında 3,2 tebayt tutumlu məlumat paketi toplayıblar. Tədqiqat zamanı müəyyən edilib ki, "Silk Road 2", "Agora", "Evolution", "Hydra" və "Pandora" kimi qara bazarların gündəlik dövriyyəsi 300-500 min dollar təşkil edir. Qeydə alınan maksimal rəqəm 650 min dollar olub.

Qeyd olunan rəqəmlərə baxmayaraq, qara bazarın əksər satıcıları istənilən gəliri əldə edə bilməyib. Hesabata əsasən, satıcıların təxminən 70 faizi min dollar məbləğində mal satıb, tədarükçülərin 18 faizinin gəliri 1-10 min dollar arasında dəyişib və satıcıların yalnız 2 faizi 100 min dollardan çox mənfəət əldə etməyə nail olub.

35 satıcı 1 milyon dollardan çox qazanıb, 1 faizi isə tranzaksiyaların ümumi həcminin yarısından çoxuna sahiblənib.