Lənkəranda arvadın ərini bıçaqlamasının təfərrüatı məlum olub.

Axar.az-a rayondan verilən məlumata görə, 28 yaşlı Elmar Məmmədovun həyat yoldaşı ruhi xəstə olub.

Onların arasında mübahisə yaranıb və qadın ərini vurub. İstintaqa ifadəsində E.Məmmədovun yoldaşı əməlini etiraf etməyib və ərinin ehtiyatsızlıqdan özünə zərər yetirdiyini bildirib.

Əldə etdiyimiz məlumata görə, cinayəti törədən qadın ruhi-əsəb xəstəlikləri dispanserinə yerləşdirilib.

E.Məmmədov Lənkəran Rayon Mərkəzi Xəstəxanasına çoxlu qan itirmə, ikibaşlı əzələnin dərin kəsilmiş-deşilmiş yarası diaqnozu və şok vəziyyətində daxil olub. E.Məmmədovun üzərində aparılan əməliyyat tədbirlərindən sonra vəziyyəti stabilləşib. Rayonun Şilavar kənd sakini olan E.Məmmədov ailəsi ilə birlikdə şəhərdə kirayədə qalır.