Aksiz markası olmayan və qaçaqmalçılıq yolu ilə ölkəyə gətirilən spirtli içkilərin yayılmasının qarşısı alınıb.

Axar.az Dövlət Gömrük Komitəsinə istinadla xəbər verir ki, Aksiz Baş Gömrük İdarəsinin əməkdaşları əməliyyat keçirib.

Bakının Qara Qarayev prospekti, ev 7A ünvanında yerləşən "Ruslan-93" mağazasında üzərində aksiz markası olmayan spirtli içkilərin satıldığı aşkar olunub. Telman Abdullayevə məxsus mağazadan Rusiyanın aksiz markası ilə markalanan külli miqdarda araq, həmçinin üzərində aksiz markası olmayan müxtəlif markalı spirtli içkilər aşkar edilərək götürülüb.

Faktla bağlı araşdırma aparılır.