Sentyabrın 18-i Zaqatalada törədilən dəhşətli qətlin üstü açılıb.

Axar.az-ın Daxili İşlər Nazirliyinin saytına istinadən məlumatına görə, rayonun Əliabad qəsəbəsində yaşayan 83 yaşlı Səfər Səfərovun evinə tamah məqsədi ilə 3 maskalı şəxs girib.

Oğrular tərəfindən onun və arvadı, 86 yaşlı Xanpəri Səfərovanın əl-ayağı, ağzı yapışqanlı lentlə bağlanıb.

İlkin məlumatda deyilirdi ki, naməlum şəxslər yaşlı qadını döyüb, pul tələb ediblər, evdə heç nə tapa bilməyib, hadisə yerindən qaçıblar.

Bundan sonra Xanpərinin hadisə yerində ölməsi barədə polis və prokurorluq orqanlarına məlumat verilib. Hadisə ilə bağlı istintaq və əməliyyat-axtarış tədbirləri həyata keçirilib.

Nəticədə Xanpərinin ailə münaqişəsi zəminində elə öz həyat yoldaşı Səfər tərəfindən öldürülməsi müəyyən edilib və o, tutulub.