İrandan gələn azərbaycanlı narkotiklə yaxalanıb.

Dövlət Gömrük Komitəsindən Axar.az-a verilən məlumata görə, Biləsuvar Gömrük İdarəsinin "Qoşa Təpə" gömrük postunda Azərbaycan vətəndaşı Dünyamalı Qaraşova məxsus idman çantasına baxış keçirilib.

Bu zaman çantada 2 ədəd xurma qutusu aşkarlanıb. Qutuların hər birinin içərisində olan xurmaların arasında, eynilə xurma şəklinə salınmış vəziyyətdə, ümumi xalis çəkisi 775 qram olan tiryək tapılıb.

Həmin çantadakı çay qutusunda olan quru çayın arasında isə sellofan paketdə 94 ədəd metadon adlı həb aşkar olunub.

Bundan başqa, D.Qaraşovun üzərində şəxsi yoxlama zamanı daha 4 ədəd metadon adlı həb aşkar edilərək götürülüb. Faktla bağlı təhqiqat aparılır.