Külli miqdarda balıq kürüsünün qaçaqmalçılıq yolu ilə ölkə ərazisinə keçirilməsinin qarşısını alınıb.

Dövlət Gömrük Komitəsindən Axar.az-a verilən məlumata görə, Hava Nəqliyyatında Baş Gömrük İdarəsinin əməkdaşları əməliyyat keçirib.

Moskva-Bakı aviareysi ilə gələn Azərbaycan vətəndaşı Hüseyn Mahmudzadə gömrük nəzarətindən yaşıl kanalla keçərkən qanunvericiliyə uyğun olaraq onun əl baqajına rentgen aparatı vasitəsi ilə baxış keçirilib.

Baxış zamanı gömrükçülər monitorda çoxlu sayda müxtəlif formal qablarda qablaşdırılan kürüyə oxşar maddə müşahidə edib.

Bundan sonra həmin çantada yoxlama aparılıb və oradan gömrük nəzarətinə təqdim olunmayan 40 ədəd müxtəlif ölçülü qablarda qablaşdırılan qara və qırmızı rəngli balıq kürüsü aşkar edilib.