Şirvan şəhər sakinləri Elvin Nəciyevi və Zaur Sarıbalayevi odlu silahdan açılan atəşlə qətlə yetirmiş naməlum şəxsin müəyyən edilib tutulması üçün əməliyyat-axtarış tədbirləri aparılır.

Axar.az xəbər verir ki, bu barədə məlumat Daxili İşlər Nazirliyinin rəsmi saytında yer alıb.

Noyabrın 5-də Şirvan şəhərinin T.Ələkbərov küçəsində yerləşən kafedə naməlum şəxs tapançadan açdığı atəşlə şəhər sakinləri Elvin Nəciyevə və Zaur Sarıbalayevə xəsarət yetirib hadisə yerini tərk edib.

Z.Sarıbalayev hadisə yerində, xəstəxanaya yerləşdirilən E.Nəciyev isə orada ölüb.

Hadisə yerinə baxış zamanı "Makarov" markalı tapançaya aid 1 ədəd patron və 3 ədəd giliz aşkar edilərək götürülüb.

Şirvan ŞPŞ tərəfindən əməliyyat-axtarış tədbirləri aparılır.