Gəncədə silsilə oğurluq edən şəxs saxlanılıb.

Axar.az xəbər verir ki, Gəncə və Göygöldə 28 mənzili qarət edən şəxs özünü şanssız sayıb.

Buna səbəb isə oğurluq zamanı istədiyi qəniməti əldə edə bilməməsidir. Göygöl sakini, 35 yaşlı Ceyhun Məmmədovun törətdiyi digər əməllər də müəyyən edilib.

Baş müstəntiq Samir Rüstəmovun sözlərinə görə, C. Məmmədov Göygöldə 8 fərdi yaşayış evinə ayrı-ayrı vaxtlarda daxil olaraq pul və qızıl-zinət əşyaları oğurlayıb".

O, mənzillərdən oğurladığı nağd pulu xərclik edib, qızıl-zinət əşyalarını isə lombarda qoyaraq pul götürüb.

"Elə külli miqdarda pul aparmamışam. Bilirsən, şans yaxşı şeydir. Elə oğru var, evə girir, bir dəfəyə 50 min, 100 min aparır. 20 evdən götürdüyümü hesablasan, heç 10 min eləməz. Mən də belə şanssız oğruyam. Mənə çıxan ancaq 100 manat, 200 manat, 500 manat, uzağı 1000 manat olub. Bəxt yaxşı şeydir".

"Region TV"-nin hazırladığı süjeti təqdim edirik: