Bakıda özünü kondisionerin naqilindən asan 9 yaşlı uşağın SOCAR-ın vitse-prezidenti Xoşbəxt Yusifzadənin sürücüsünün qızı olduğu təsdiqlənib.

Bu barədə Axar.az-ın sorğusuna cavab olaraq SOCAR-dan bildirilib.

Məlumatda deyilib ki, 2006-cı il təvəllüdlü Pərixanımın atası Böyükağa Məmmədov uzun illərdir X.Yusifzadənin şəxsi sürücüsü vəzifəsində çalışır.

Qeyd edək ki, bu məqamı ilk olaraq Hafta.az qeyri-rəsmi mənbəyə istinadən yayıb.

İntihar hadisəsi paytaxtın Badamdar qəsəbəsi, Tofiq Məmmədov küçəsində yerləşən evdə qeydə alınıb.

Pərixanım uşaq otağındakı kondisionerin naqilindən özünü asaraq canına qıyıb. 9 yaşlı qızın özünə qəsd etməsinin səbəbi bilinmir.