Bizdə olan məlumata görə, onun ailə üzvləri yoxdur. Buna görə də transa baş çəkənlər ancaq cinsi azlığın nümayəndələridir.

Bu sözləri Axar.az-a Bakıda boğazı kəsilən transseksual İlqar Novruzovun həkimi Ayaz Yaqubov deyib.

O, İlqara yetirilən xəsarətlərin ciddi olmadığını bildirib: "Hadisə transın öz evində baş verib. Tanımadığı adam onun evinə girərək İlqar Novruzova güc tətbiq edib. Hadisə nəticəsində o, boynun sağ hissəsindən səthi yara alıb. Ciddi yara deyil. Ən geci sabah evə buraxılacaq".

Lent.az-ın ilkin məlumatına görə, hadisə metronun "Gənclik" stansiyasının yaxınlığında baş verib.

Bir nəfər naməlum şəxs başına qırmızı rəngli parik qoymuş İ.Novruzovu fahişə qadın hesab edib və onunla müştəri kimi tanış olub. Onlar yaxınlıqdakı mənzillərdən birinə gediblər.

Ora çatdıqda müştəri qadın kimi qəbul etdiyi şəxsin əslində, kişi olduğunu bilib. Bundan əsəbiləşən naməlum şəxs İlqarın boğazına bıçaqla xəsarət yetirib və hadisə yerindən qaçıb. Faktla bağlı Nərimanov Rayon Polis İdarəsində araşdırma aparılır.