İcra hakiminin Biləcəri qəsəbə nümayəndəsinin müavini Orxan Kazımovun döyülməsi barədə yayılan məlumat həqiqəti əks etdirmir. Onu heç kim döyməyib.

Bu sözləri Axar.az-a Binəqədi Rayon İcra Hakimiyyətinin İctimaiyyətlə əlaqələr şöbəsindən Rəvanə Əliyeva deyib. O, yayılan məlumatın həqiqətə uyğun olmadığını bildirib:

"Hazırda həmin əməkdaşımız iş başındadır və heç bir problem yoxdur".

Xatırladaq ki, Binəqədi icra hakiminin Biləcəri qəsəbə nümayəndəsinin müavini, 1990-cı il təvəllüdlü Orxan Kazımovun 1987-ci il təvəllüdlü Asiman Ağayev tərəfindən döyüldüyü barədə "Milli.az" saytı məlumat yayıb. Faktla bağlı danışan O.Kazımov belə hadisənin olmadığını və sözügedən şəxsi tanımadığını deyib.