Bakının Bakıxanov qəsəbəsində, Yavər Əliyev küçəsi, "Uğur-2" yaşayış kompleksində, 2-ci binada bir qız özünü çoxmərtəbəli binanın 19-cu mərtəbəsindən ataraq intihar edib.

Milli.az-ın əldə etdiyi məlumata görə, qızın 23 yaşı olub.

Sakinlərin verdikləri məlumata görə, intihar edən xanım həmin binada ailəsi ilə birlikdə kirayədə yaşayırmış və 3 yaşlı bir övladı var.

Sabunçu Rayon Polis İdarəsindən bildiriblər ki, adıçəkilən ünvanda 1990-cı il təvəllüdlü bir qadın binadan yıxılıb. Həkim briqadası hadisə yerinə gələnədək qadın dünyasını dəyişib. Faktla bağlı araşdırma aparılır.

Hadisənin şahidi olmuş qonşulardan birinin verdiyi məlumata görə, qadın ailədaxili münaqişə nəticəsində intihar edib. Hətta onun hadisədən bir neçə dəqiqə öncə həyat yoldaşı ilə mübahisə etdiyini eşidənlər də olub.