Ana səhifə Toplum |
Şəmkir rayonunda 3 min manatlıq oğurluq hadisəsi baş verib.
Axar.az xəbər verir ki, oğurluq rayonun Dəllər qəsəbəsində Ramin Hüseynova məxsus avtomobillərin ehtiyat hissələri satılan mağazada baş verib.
Naməlum şəxslər mağazadan avadanlıqlar oğurlayıblar.
Zərərçəkənin atası Tahir Hüseynov bildirib ki, oğurlanan mallar əsasən motor yağları, açar blokları və motora aid hissələrdir.
Müraciət əsasında Şəmkir polisinin apardığı əməliyyat tədbiri zamanı hadisəni törədən şəxslər tutulub. Bunlar Gürcüstan Respublikasının vətəndaşı olan 1982-ci il təvəllüdlü Əliyev Rəşad Nizami oğlu və 1994-cü il təvəllüdlü Yusifov Əli Vaqif oğludur.
Rəşad Əliyev ilkin ifadəsi zamanı Gürcüstandan Şəmkirə işləmək məqsədi ilə gəldiyini və sonradan sərfəli gəlir yolu kimi oğurluğu seçdiyini deyib:
"Öz aramızda razılaşdıq və evdən qapını açmaq üçün alət götürüb getdik. Kilidi qıra bilmədik, içəriyə damdan girdik".
Əli Yusifov isə oğurluqdan sonra səhvini başa düşdüyünü və payına düşən ehtiyat hissələrini yol kənarına atdığını deyib:
"Dəqiq saya bilmədik nə qədər əşya götürmüşük. Demək olar ki, hər cür ehtiyat hissələri var idi. Mən öz payıma düşəni gecə ilə öz mışınımıza qoyub, Qanlı Qobu deyilən əraziyə aparıb tökdüm".
Hər iki şəxs barəsində Şəmikir rayon Polis Şöbəsinin İstintaq bölməsində cinayət məcəlləsinin müvafiq maddələri ilə iş açılıb, istintaq aparılır.
Tarix
2015.11.24 / 18:35
|
Müəllif
Gülər Nəsibova
|