Masazır qəsəbə sakini Bağır İbrahimov polisə müraciət edib.

Axar.az xəbər verir ki, o, mənzilinin həyətyanı sahəsindən içi qızıl-zinət əşyaları ilə dolu seyf oğurlandığını bildirib.

Abşeron Rayon Polis İdarəsinin əməliyyat tədbirləri nəticəsində zərərçəkənin əmisioğlu Elşən İbrahimov və onun tanışı Həsənalı Əliyev saxlanılıb.

İlkin dindirilmə zamanı hər iki şəxs törətdikləri əməli etiraf ediblər. Naxçıvandan olan E.İbrahimov Bakıya işləməyə gəlib və bu müddət ərzində əmisioğlugildə yaşayıb. Onun mənzildə seyfin varlığından xəbəri olub.

H.Əliyev isə planın E.İbrahimova məxsus olduğunu deyib. Tanışlar seyfi oğurlayaraq taksi ilə Xırdalanda Elşənin işlədiyi kafelərdən birinə aparıblar. Daha sonra seyfi yararaq qızılları əldə ediblər.

Tanışlar bundan başqa daha bir cinayət törətməyə çalışıblar. Onlar adam qaçırmağa hazırlaşıblar. Region TV-nin hazırladığı süjeti təqdim edirik: