Noyabrın 22-də paytaxtın Bakıxanov qəsəbəsində şəxsiyyəti məlum olmayan 2 nəfər taksi sürücüsünə hücum edib.

Axar.az Daxili İşlər Nazirliyinin saytına istinadən xəbər verir ki, Vüqar Hüseynlinin idarə etdiyi BMV markalı avtomobilə sərnişin qismində oturanlar R.Qəmbərov küçəsinə gedəcəyini bildiriblər.

Həmin ünvanda onlar V.Hüseynlini bıçaqla hədələyib 292 manatını və sənədlərini alıb hadisə yerini tərk ediblər.

Hadisəni törətmiş Qazax rayon sakini Şəhadət Məmmədov və oğlu, əvvəllər məhkum olunmuş Nemət tutulublar.

Onların Bakı sakini Vera Leşinskayanın 18 manatını və qızıl əşyasını soyğunçuluq yolu ilə almaları da müəyyən edilib. Araşdırmalar aparılır.