"Günəşli" neft yatağında itkin düşən neftçinin həyat yoldaşına yazdığı sonuncu mesaj iki xəbər aparıcısını göz yaşlarına qərq edib.

Axar.az-ın məlumatına görə, neftçi İman Qasımovun həyat yoldaşına yazdığı son mesaj ANS-in "Xəbərçi" proqramının aparıcısı Nigar Mahmudovanı və "ATV Xəbər"in aparıcısı Lalə Azərtaş kövrəldib.

N.Mahmudova efirdə İ.Qasımovanın mesajını sonuna qədər oxuya bilməyib. Aparıcı sonrakı xəbərin anonsunu da səsi titrəyə-titrəyə elan edib.

L.Azərtaş də göz yaşlarına hakim ola bilməyib və son sözlərini çatdıra bilmədiyi üçün dərhal süjetə keçid olunmasını istəyib. Hər iki kadrları təqdim edirik: