Bu gecə Bakının Binəqədi rayonunda baş vermiş dəhşətli cinayətin təfərrüatı məlum olub.

Axar.az Lent.az-a istinadla xəbər verir ki, 1976-cı il təvəllüdlü Samir Axundov keçmiş həyat yoldaşı, 28 yaşlı Gülnar Axundovanı qısqanclıq zəminində qətlə yetirib.

Hadisə Gülnar Axundovanın ərindən ayrıldıqdan sonra 8 mikrorayondakı Nizami Nərimanov küçəsində yaşadığı evdə baş verib. Ötən gün keçmiş arvadının yaşadığı binanın qarşısına gələn S.Axundov binanın blokunda onunla mübahisə edib. Bu zaman S.Axundov özü ilə gətirdiyi bıçaqla keçmiş həyat yoldaşına bir neçə zərbə endirərək onu öldürüb. Daha sonra piyada şəkildə hadisə yerindən uzaqlaşan 39 yaşlı Samir 7-ci mikrorayon ərazisinə gəlib və buradakı 17 mərtəbəli binaya çıxaraq özünü atıb. O, hadisə yerindəcə keçinib.

Qeyd edək ki, Axundovlar ailəsinin 1 azyaşlı övladı qalıb.

Faktla bağlı Binəqədi rayon Prokurorluğunda başlanmış cinayət işinin istintaqı davam etdirilir.