Bakıda intihar edən tələbə qız özünə qapalı, ünsiyyətdən uzaq biri olub.

Bu barədə Axar.az-ın əldə etdiyi məlumatda deyilir.

1995-ci il təvəllüdlü Çiçək Xəlilli Bakı Dövlət Universitetində təhsil alırmış. İntihar etdiyi gün mobil telefonunu söndürüb, Votsap proqramını silib, Feysbuk səhifəsini bağlayıb və bütün əlaqələrini kəsib.

O, ilk dəfə dərsə getməyib və tələbə yoldaşları da bundan şübhələniblər. Dərslərdən heç zaman geri qalmayan Çiçəyin elə həmin gün özünü asdığı xəbəri yayılıb.

Tələbə yoldaşlarının sosial şəbəkələrdə yazdığı şərhlərdən belə qənaətə gəlmək olar ki, Çiçək ünsiyyətə meylli adam deyilmiş, onlarla davamlı təması olmayıb.

Şərhlərin birində isə onun hər şeydən bezdiyi qeyd olunub. Amma tələbənin intiharının əsl səbəbi müəmmalı olaraq qalır.

Hadisə Biləcəri qəsəbəsində yerləşən hərbi şəhərcikdə qeydə alınıb. Orada yaşayan Çiçək şəhərciyin həyətindəki yarımtikilidə özünü asıb.